БИШКЕК, 30-авг. — Sputnik. Көчмөндөр оюндарынын салтанаттуу ачылышына Казакстандын президенти Нурсултан Назарбаев, Түркиянын президенти Режеп Тайып Эрдоган жана Венгриянын премьер-министри Виктор Орбандын келиши күтүлүүдө. Бул тууралуу өлкө башчынын маалымат кызматынан билдиришти.
Булардан тышкары, Татарстан республикасынын президент Рустам Минниханов жана Бириккен Араб Эмирлигинин Фуджейра аймагынын мураскер ханзадасы, шейх Мохаммед бин Хамад бин Мохаммед Аль-Шарки келери кошумчаланды.
Ошондой эле иш-чаранын ачылышына Жогорку Кеңештин төрагасы Дастан Жумабеков, өкмөт башчы Мухаммедкалый Абылгазиев, Жогорку соттун төрайымы Айнаш Токбаева, өлкөнүн экс-президенттери Роза Отунбаева жана Алмазбек Атамбаев чакырылды.
Иш-чаранын ачылыш аземи 2-сентябрь күнү Чолпон-Ата шаарында өтөт.
